UK leh Netherland-ah Meghalaya aieng leh sawhthing dip thawn

Meghalaya state tharchhuah aieng leh sawhthing quality ṭha chi chu United Kingdom leh Netherland-ah zawrh a ni dawn.

Argiculture minister Banteidor Lyngdoh chuan, "Lakadong aieng kg 150 leh sawhthing powder kg 150 chu Netherland ah thawn a ni tawh. Langkadong aieng kg 210 leh ginger powder kg 5 chu UK-ah thawn mek a ni bawk," tiin a sawi. Rampawna thawnchhuah hi state sorkar hmalakna a nia, ram pahnihte mamawh dan thlirin tun hi a enchinna a ni tih Minister chuan a sawi.

Meghalaya hian aieng thar chhuah tam lamah state ṭhenkhatte tluk lo mah se, a quality erawh a ṭha zawk a ni. West Jaintia Hill district-ah hian aieng chi thum Lachein, Lasyein, leh Lakadong-te chin a ni. Lachein leh Lasyein-ah hian curcumin 4-5% a awm a, Kakadong aiengah erawh curcumin 7% a awm thung.

India hi khawvela spice siamchhuak, ei leh thawnchhuak nasa ber ram a ni. Kum 2021-22 chhunga India-in spice a thawn chhuah tam ber chu hmarcha, spice oil leh oleoresin, mint product, cumin, leh aieng-te an ni.