India rama sai upa ber kum 89 niin Assam-ah a thi

India rama sai upa ber, Bijuli Prasad chu Thawhṭanni khan kum 89 niin Assam-a Sonitpur district-ah a thi tih official-te'n an sawi.

Bijuli Prasad hi Asiatic elephant niin, mihring enkawl sai zinga upa ber a ni. A awmna hmun The Williamson Magor Group-te thingpui huan Behali-ah Thawhṭanni zing dar 3:30 velah khan kum upat vangin a thi.

Ran hmangaihtu, thingpui huan thawktu leh khawtual mipui ṭhahnem tak chu Bijuli Prasad sun turin an kal khawm a ni.

Padma Shri awardee and famous elephant surgeon Dr. Kushal Konwar Sarma chuan, "Kan hriat theih chhinah, Bijuli Prasad hi India rama mihring enkawl sai zinga upa ber a ni, " tih sawiin, Asiatic Elephant-te hi kum 62-65 thleng an dam tlangpui a, uluk taka enkawl chuan kum 80 thleng pawh an dam thei tih a sawi.

Bijuli Prasad hi nitin chaw kg 25 pek ṭhin a ni.