Assam : NRL leh IWAI-in Bangladesh-a petrol thawn dawn

Assam-a Numaligarh Refinery Ltd (NRL) leh Inland Waterways Authority of India chuan Assam company petrol siamchhuah Bangladesh-a thawn turin Ningani khan Memorandum of Understanding (MoU) an ziak.

Petrol hi Assam-a Jogighopa hmuna IWAI-in jetty an tih changtlun tak hmanga thawn turin inremna hi siam a ni. NRL chuan Jogighopa jetty hmang hian kumtin metric tonne nuai 2 thawn chhuah theih an in beisei.

MoU hi union shipping minister Sarbananda Sonowal leh union minister of state for petroleum and natural gas Rameshwar Teli hmaah NRL chief general manager (Marketing) Subrata Das leh IWAI director A Selva Kumar-te'n an ziak a ni.

Union Shipping Minister chuan NRL leh IWAI thawhdunna hian central hmalakna 'Gati Shakti' leh 'Act East Policy' a pui dawn tih a sawi.

NLF official chuan India-Bangladesh Friendship Pipeline (IBFPL) hawn a nih hnuah Bangladesh chuan waterways hmanga north Bangladesh lama petrol lakluh an duh hle tih a sawi ve bawk.

Petroleum company NRL hian an fuel thlitfim chu MMTPA 3 aṭanga 9-a tihbelh tumin hma an la mek. Kum 2025 kum tir lamah project hi zawh hman beisei a ni a, hemi tan hian Rs nuai 28,000 ruahman a ni.