Manipur sorkarin Myanmar raltlan 2500 thawnlet dawn

Manipur Home Department-in sorkar laipui hnena a report danin, Manipur sorkar chuan state chhunga dan loa lut mi 2,480-te chu Myanmar-ah thawnkir a tum.

Manipur Police Inspector General (Intelligence-Narcotics Affairs and Borders) kaltlanga report thehluhah hian, raltlante hi Myanmar nena inrina hill district panga; Tengnoupal, Chandel, Churachandpur, Pherzawl leh Kamjong-ahte an in bengbel a ni.

Home Department chuan dan loa lutte zawnchhuah hna thawkin, tun hnaiah dan loa state chhunga lut ṭhahnem tak, hmeichhia leh naupang telin an awm tih hmuhchhuah a nih thu a tarlang.

Tengnoupal district-a khaw 13-ah dan lo pem mi 1,147 an awm a; Chandel-a khaw 10-ah mi 1,175; Churachandpur district-a khaw parukah mi 154 an awm tiin report chuan tarlang. Kamjong district-a hmun pahnihah ruihhlo tawlh vangin mi pali man an ni tih an tarlang bawk.

Churachandpur-a dan loa pem mi 154 zinga 23 chu verified tura zawnchhuah an ni tawh a, mi dang zawng chu Foreigner Act hnuaiah man an ni.

Sorkar laipui thupek angin Myanmar raltlante hi Manipur sorkar chuan temporary identification a siamsak a, Myanmar boruak a ziaawm veleh sorkar chuan heng mite hi an ramah a thawn kir ang.