Nagaland-in biomass plant aṭangin power lei dawn

Nagaland sorkar chuan Dimapur-based company biomass plant aṭanga power leina tur inremna a ziak.

State sorkar leh independent power producer, Hutah Industries-te'n inremna an siamah hian Ganeshnagar-a AK Industrial Village-a 10-megawatt biomass plant aṭangin Nagaland sorkar hian power a lei dawn a ni. Inremna thuthlung an ziah hi Nagaland power and parliamentary affairs minister KG Kenye chuan a telpui a ni.

Minister chuan company hmalakna fakin, power siam chhuah lamah ṭan lak a ngai tih a sawi. Hemi rual hian an project chu bamboo-fired plant a nih avangin, Nagaland Bamboo Development Agency (NBDA) nen thawh dunna an siamte a pawimawh a, hei hian tualchhung mite tan pawh hnathawh tur a siamsak thei dawn a ni, a ti.

Hutah Industries CEO & CFO Aditya Pandit pawhin thu sawiin, an plant atana raw material an mamawhte chu project area huam chhungah an ching dawn tih a sawi ve bawk.