Assam cabinet-in district thar 4 dinna tur pawm

Chief minister Himanta Biswa Sarma kaihhruai Assam cabinet chuan kar liam ta Zirtawpni khan, thuneihna sem zai zawkna tur leh department-te'n hna an thawh ṭhat zawkna turin district thar pali siamna tur a pawm.

District thar siam belhte hi - Bajali, Biswanath, Hojai, leh Tamulpur-te an ni.

Heng district tharte hi tun hnaia Assam-in bial rin ṭhatna (delimitation exercise) a neih zawh takah khan an parent district-te nen belhbawm an ni thung. Bial rin ṭhatah hian, Assembly leh parliament seat zat chu tihdanglam a ni lo a, mahse, bial huam chin rin ṭhat a nih bakah constituency hming ṭhenkhat thlak a ni bawk.

100th Cabinet meeting rorel chu puangin Chief Minister chuan, Balaji district chuan Bajali and Bhawanipur-Sorbhog Assembly constituency-te a huam ang a, Biswanath district huam chhungah Biswanath, Gohpur leh Behali Assembly seat-te an awm ang. Hojai district chuan Binakandi, Lumding leh Hojai seat te huamin, Tamulpur district-in Tamulpur leh Goreswar Assembly seat-te a huam dawn a ni.