Meghalaya nurse 200-te ram pawna thawk turin thlang

Meghalaya sorkarin Overseas Nursing Job Fair a buatsaih aṭangin nurse 200 te chu ram pawn lam, English ṭawng hmanna rama thawk tura thlan an ni.

Overseas Nursing Job Fair-ah hian Japan, Singapore, Germany, UK, Middle East, Australia leh ram dang eng emaw zat aṭangin company-te an rawn kal a ni. He fair-a nurse inziak lut 1,000 vel aṭangin 200 te chu thlan an ni ta a ni.

Chief minister Conrad Sangma chuan candidate thlan takte chu duhsakna hlanin, training senso atan mi pakhat tan Rs 50,000 zel pek a ni dawn tih a sawi a, heng sum senso hi hna an thawh hunah an hlawh aṭangin cut a ni leh ang.

Nursing Job Fair hi Meghalaya State Skill Development Society leh Health and Family Welfare Department buatsaih a ni a, Navis HR Pvt Ltd, Nursedge, Trained Nurses Association India leh Ajith Enterprise an thawhpui bawk.