Meghalaya: GHADC hnathawkte'n kum 2 chuang hlawh la tawh lo

Meghalaya-a Garo Hills Autonomous District Council (GHADC)-a Non-Gazetted Employees Association (NGEA)-te chuan kum hnih leh a chanve (thla 30) chhung hlawh an lak tawh loh avangin nawrh an tum.

Non-Gazetted Employees Association (NGEA) chuan Meghalaya-a GHADC thuneitute chu, an hlawh batsakte pek kir nan September 15 thleng hun an pe a ni.

NGEA chuan an hun tiam, September 15 hmaa GHADC thuneitute'n an hlawh pek lohte hi an pe thei lo a nih chuan, an nuar dawn tih an sawi.

NGEA-te'n nawrh an vau hnu hian, an pawl hotute leh GHADC chief executive member (CEM) Albinush Marak-te chuan Thawhlehni khan meeting an nei a, GHADC CEM chuan NGEA-te hlawh chu Septmeber thla chhunga pe chhuak vekin turin a intiam. Nawrh hi kaltlangpui a nih chuan district council chu kum nga chhunga hnathawk thei loa a awm ṭum hnihna a ni ang.