Tripura-ah hmeichhe pualin pink toilet siam tum

Tripura chief minister Manik Saha chuan an state-a urban area-ah state sorkar chuan hmeichhiate tan pink toilet siam a tum tih a sawi.

Chief Minister chuan Tripura-a BJP-IPFT sorkar chuan hmeichhiate himna leh an nawmna tur chu a dah pawimawh hle a ni tiin, self help group pawh kum 2018-a 4,000 vel awm chu kum 2022-ah 50,000 a tling tawh a ni, a ti.

Agartala-a chanchinthar lakhawmtute a kawmnaah, Saha chuan, "Urban area-ah hmeichhiate tan pink toilet kan siam dawn a, budget-ah pawh kan ruahman tel a ni," a ti. Hmeichhiate himna turin sorkar chuan khawpui chhung hmun hrang hrangh CCTV camera a dah tawh tih a sawi bawk. Nikum khan zirlai hmeichhiate chu college thleng a thlawna lehkha zirtir an nih tur thu a lo tiam tawh a, hei hi kalpui ṭan a ni tawh niin CM chuan a sawi bawk.

Hmeichhiate thuam chakna tura hma an lak zel thu sawiin, Chief Minister chuan, "Sorkar hnaah 33% chu hmeichhiate tan dah a ni a, goverment shopping complex-a dawr siamna turah 50% chu hmeichhiate chanpuala dah a ni bawk a ni," a ti.