Tripura: September 17-ah International flight thlawk ṭan dawn

Tripura khawpui, Agartala leh Bangladesh-a Chittagong inkara service tur, International flight chu September 17 hian thlawh ṭantir tum a ni tih state transport department official chuan a sawi.

Transport Com­missioner Subrata Chowdhury chuan international flight hmasa ber prime minister Narendra Modi-a birthday denchhenin thlawhtir tum a nih thu a tarlang.

Maharaja Bir Bikram Airport-a Airport Au­thority of India mi leh sa awmte chuan, "Hna tlema zawng, immigration counter leh Customs-te siam a la ngai. Customs Department official-te chuan regular takin airport an tlawh ṭhin. Thawktu indaih lohna a awm tih kan hria. Hei hi chinfel a nih chuan September 17-ah service ṭan theih kan in beisei," an ti.

State sorkar chuan Tripura leh Bangladesh inkara International flight service tirna tur hian Rs. vbc 15 a ruahman a ni.

Transport Minister Sushanta Chowdhury chuan Bangkok, Dhaka leh Southeast Asia ram dangahte pawh a tahtawlin Tripura aṭang hian thlawhtheihna service-tir tum a ni, a ti bawk.