Assam CM-in AFSPA chungchang Amit Shah a sawipui

Assam chief minister Himanta Biswa Sarma chuan union home minister Amit Shah chu Assam state-a Armed Forces (Special Powers) Act (AFSPA) tihtawp dan tur sawipuiin Thawhṭanni khan New Delhi-ah a hmu.

Home Ministry-in Assam state-a AFSPA hnuaia disturb area-a puan chu tihtlem a nih tur thu a puan hnuah meeting hi neih a ni. Disturbed area tihtlemna tur notification chhuah chu September 15 aṭanga hman ṭan a ni ang.

Meeting zawha chanchinbu mite a kawmnaah, Sarma chuan Assam state chhunga AFSPA hman chu tihtawp a nih theihna turin Home Minister thurawn angin state sorkar chuan hma a la dawn tih a sawi.

"Vawiinah Home Minister ka hmu a, Assam-a AFSPA tihtawp dan tur kawng kan sawi dun a ni. Home Minister chuan Assam state-a APSFA hman tihtawp a nih theih nan sorkar laipui chuan theihtawp a chhuah dawn tih min tiam bawk," tiin Sarma chuan a tarlang.

Assam state-ah hian kum 1990-ah AFSPA hi hman ṭan niin, he dan hnuaiah hian 'disturbed area'-a puan huam chhungah armed force-te chu mi dap, man leh kah phalna pek a ni.

Assam state-a AFSPA tihtawp hi hun rei tak ata mipuiin an phut tawh a ni. Assam state hi tun hnaiah a ralmuan tawh avangin AFSPA hman zel ṭul tih tawh lohna a lian hle.