Manipur hian LS inthlanah nghawng a nei lo ang : Meghalaya BJP President

Meghalaya BJP president Ernest Mawrie chuan Manipur buaina chuan Lok Sabha inthlan lo awm turah BJP party tan nghawng a nei dawn lo niin a sawi.

Chanchinthar lakhawmtute a kawmnaah, Ernest Mawrie chuan BJP chuan Manipur boruak siam ṭha turin theihtawp a chhuah a, union home minister Amit Shah leh uinon minister for state (independent charge) Jitendra Singh-te pawhin tlawhin, mi hrang hrangte meeting an neihpui a ni, a ti. Manipur buaina chu thunun a ni tawh tih sawiin, Lok Sabha inthlanpui lo awm turah pawh Manipur-a seat chu BJP in a la vek dawn a ni, a ti.