Tripura: Left Front-in by-election-a vote tichingpenah BJP puh

Tripura-a Left Front chuan Boxanagar leh Dhanpur assembly seat-a by-election neihah BJP chu nasa taka vote tichingpenah puhin, vote chhiar boycott an tum.

Left Front convener Narayan Kar chuan thuchhuah siamin, by-election neih takah hian thil dik lo nasa tak a awm a ni, a ti.

Narayan Kar chuan vote tihchingpen chungchang hi Election Commission (EC) ah vawi tam tak hriattir a ni tawh a, mahse, EC chuan tun thlengin hma a la lo, a ti bawk.

"Hetiang boruakah hian, vote chhiar hian eng ṭangkaina nge a neih tak? September 8, 2023-a vote chhiar chu boycott turin thuthlukna kan siam ta a ni," tiin Kar chuan a sawi.

Boxanagar leh Dhanpur assembly seat-a by-election hi September 5 khan nei niin, Left Front-te chuan BJP chu tharum leh invauna hmanga vote tichingpenah an puh a, EC pawh BJP ṭanah an puh bawk.