AP-ah hri kai 68 hmuh belh

Arunachal Pradesh-ah coronavirus kai mi 68 chu Pathianni khan hmuh chhuah belh an ni a, anni nen hri kai hmuh tawh hi mi 2,117 an tling tawh tih state surveillance officer Dr L Jampa chuan a sawi. 

Dr Jampa chuan hri kai hmuh thar zingah hian paramilitary force mi 36 leh West Kameng district-a healthcare worker pakhat a tel thu a sawi. Hri kai thar zingah hian mi panga hi taksa lama harsatna nei an ni a, mi dangte erawh chu asymptomatic vek an ni. 

Hri kai enkawl dam hi 1,240 an awm tawh a, mi pathumin an thihpui tawh bawk. Hri kai mek mi 684 an la awm a ni. AP-ah hian August thla chhungin hri kai 635 hmuh chhuah a ni tawh a, heng zingah hian sipai mi leh sa 266 an awm.