Nagaland recovery Rate 32.50%

Nagaland-a hri kai enkawl dam mi 11 awm tharin, an state recovery rate hi 32.50% a ni. 

Mi 11 enkawl damte nen Covid-19 kai dam leh tawh hi mi 904 an awm tawh. Pathianni khan hri kai hmuh chhuah thar mi 93 an awm thung a, heng mite nen hri kai mek hi 2,781 an la awm. 

Hri kai hmuh thar zingah hian armed force mi leh sa 42, state dang aṭanga haw mi 16 an tel a, frontline worker pasarih an tel bawk. Frontline worker pasarihte hi Dimapur-a mi vek an ni. 

Principal Secretary home Abhijit Sinha chuan hri kaite hi Covid-19 Hospital leh Covid-19 Care Centre hrang hrangah enkawl an ni tih a sawi a, hri darh tur venna atan contact tracing pawh ngawrh taka neih zel a ni, a ti. 

Nagaland-a hri kai hmuh tawh zingah hian armed force 1,226, state dang aṭanga haw 1,072, frontline worker 196, traced contact 233 bakah mi dang 54 an awm. Hri kai zinga mi pariat an thi tawh a, mahse an zinga pasarih hi Covid-19 vang niin, pakhat erawh chu positive ni mah se Covid-19 vanga thi a ni lo thung.