Manipur-ah hri kai dam tam ber ni a thleng

Manipur-ah Pathianni khan Covid-19 kai zingah enkawl dam, dam­dawiin aṭanga chhuah tir mi 117 an awm a, ni khata hri kai dam an tam ber ni a ni. Hri kai dam zinga hian central security force mi 42 an tel. 

Hetih lai hian Pathianni vek khan hri kai hmuh thar mi 118 an awm leh. Sipai 28 telin, mi 71 chu state danga zin chhuahna nei lo an nih thu additional health director Dr K Sasheekumar Mangang chuan a sawi. 

Manipur-a hri kai hmuh tawh mi 3,753 zingah central security force mi 823 an tel a ni.