Assam CM-in Barak Valley-ah lei thar a hawng

Assam chief minister Himanta Biswa Sarma chuan Ningani khan Rs. vbc 159 senga lei (bridge) dawh thar pathumte a hawng.

CM Sarma hian Ningani zing khan Silchar thengin, Barak lui chunga dawh, Badrighat lei a hawng hmasa ber a ni. He lei dawhna atan hian Rs. vbc 58 sen a ni a, Bareng leh Kashipur inkalpawhna tur niin km 1 dawna thui a ni. Silchar Fulertal Road-a NH-37 leh NH-54 a pawh bawk.

Hemi hnu hian Sonai lui chunga RCC lei dawh, Rs. vbc 14 senga siam chu Chief Minister hian a hawng leh. He lei hi Sonai-a Dungripar khuaa cheng, mi 7,000 chuangte'n an chhawr thei dawn a ni.

Silchar-a Itkholaghat lei chu CM hian a hawng leh bawk a, hei bakah Silcoorie Convention Centre sakna tur lunghum a phum bawk. CM hian Silchar District Commissioner Office-a Bir Lachit Borphukan lim siam chu a khuhhawng leh bawk a ni. Hemi hnu hian Jal Jeevan Sanmilan-ah telin, DSA Ground-ah public meeting a nei zui leh.