Nagaland: NSF in zirtirtu aikal late na taka hrem phut

Naga Students’ Federation (NSF) chuan zirtirtute aikal late leh politics hmanga an awm duhna hmuna insawnte lakah na taka action la turin Nagaland education department an phut.

NSF chuan zirtirtute aikal late chu state education system-a harsatna lian tak a ni tih sawiin, zirna tichhetuah an puh.

Zirtirtu aikal late zawn chhuaha ban an nih theihna turin, state chhunga sorkar sikul zawng zawngah biometric hmanga attendance la zel turin NSF chuan sorkar an ngen bawk.

NSF chuan sorkar department hrang hrangah politics-a induhsakna hmanga insawn kualna nasa tak a thleng tih pawh sawiin, hei hi a ngaihmawhawm an tih thu an sawi.

Zirlai pawlte chuan political transfer chu an vil reng tur thu leh, zirna inah zirna boruak ṭha leh huapzo a awm theihna turin hma an la reng dawn an ti. An state-a zirna hmasawnna turin sorkar chu theihtawpin an thlawp reng tur thu an sawi bawk a ni.