Delhi-ah Naga Peace talk chhunzawm dawn

Naga peace talk atana sorkor lai­puiin palai atana a ruat, Nagaland governor RN Ravi chuan nimin khan Delhi a pan a, Delhi-a awm mek Nationa­list Social Council of Nagaland (Isak-Muivah) hruaitute nen meeting an nei dawn. 

RN Ravi leh Th Muivah kaihhruai, NSCN (I-M) hotute hi July 17 khan meeting neih tum an ni a, mahse Muivah hriselna dinhmun ṭhat loh avangin an sawn a ni. July 20 khan Muivah hi damdawiina enkawl turin Delhi-ah phurh thlak a ni zui bawk. 

August 7 khan NSCN (I-M) palai, mi pangate chuan Guwahati aṭangin Delhi an pan a, a tukah an pawl senior leader, mi pakuate chuan Dimapur aṭangin Delhi an pan ve leh bawk. Sorkar laipui leh NSCN(I-M) hian a thuphungin inremna siam tawh mah se, NSCN (I-M) lamin Nagaland tana flag leh constitution hran siam an phut leh, Kohima-a Naga helte hriatrengna hmun siam an phut chungchangah inremna an la siam thei lo a ni. Sorkar laipui chuan August 15-ah helpawl hi inremna ziahpui hman a tum nia sawi a ni a, mahse an thil phut ṭhenkhat avang hian an ziah fel hman erawh a rinawm lo a ni.