Bhaichung-a'n SDF a zawm dawn

9th September, 2023

Humro Sikkim Party (HSP) dintu, Bhaichung Bhutia chuan an state-a eptu party lian ber, Sikkim Democratic Front (SDF) a zawm dawn nia sawi a ni.

Report chuan Bhutia hian Sikkim chief minister hlui, Pawan Chamling kaihhruai SDF hi September chawhnu lamah a zawm dawn niin a tarlang. HSP hi SDF-ah hian an inchhunglut nghal dawn em tih erawh sawi chian a la ni lo.

HSP president Bhaichung bakah an party hruaitu dang eng emaw zat pawh SDF-ah hian an lut dawn nia sawi a ni bawk.

Bhaichung Bhutia hian kum 2018, May 31 khan Humro Sikkim Party (HSP) hi a din a, hemi kum vek November 15 khan Election Commission of India chuan political party-ah a ziak lut a ni. Kum 2019 Sikkim Legislative Assembly inthlanah khan candidate 22 an siam a, mahse, tumah an tling zo lo.