Tripura : PM Modi pian chamah 'Namo Vikas Utsav' hman tum

Tripura-a BJP unit chuan nakkuma Lok Sabha inthlan inpuahchahna kal zelah, an campaign-na ni pah fawmin September 17-a prime minister Narendra Modi pian cham chu pui taka lawm an tum tih an sawi.

BJP MLA Bhagaban Das chuan PM pian cham chu programme chi hrang hrang nen ropui taka lawm a nih tur thu leh, a hming atan pawh Namo Vikas Utsav phuah a nih thu a tarlang.

Das chuan, "Tripura mipuiin Modi hi a ṭum thumna atana Prime Minister ni leh ngei tura an duhzia hi lantir kan duh. He event hmang hian BJP chuan Lok Sabha inthlan lo awm tur atan ngawrh zawkin campaign kan kalpui ang," a ti.

September 17-ah chuan Kumarghat PWD Ground-ah chief minister Manik Saha, cabinet minister-te leh Delhi leh Tripura-a party hotu senior-te nen yogo session neiin bul ṭan a nih tur thu a sawi bawk.