Sikkim-ah old pension scheme hman a ni ang : CM

Sikkim chief minister Prem Singh Tamang chuan an state-ah old pension scheme hman a nih tur thu nimin khan a sawi.

Chief Minister chuan hemi chungchangah hian committee chuan sorkarah report pawh a theh lut tawh tih sawiin, 'one family, one job' pawh hman a ni thuai dawn tih a sawi bawk.

Sikkim-a sorkar hnathawkte'n old pension scheme hman leh phuta nawrh an huaihawt hnuah, state sorkar chuan an thil phut chungchang ngaihtuah tur committee a lo din tawh a ni. Committee hi thla tum chhung hun pek niin, old pension scheme leh new pension scheme te chu zir chiang dun tura tih an ni a, thla thum hnuah state sorkarah report theh lut turin a ti a ni.

Committee hi secretary (DoP) Rinzing Chewang-a'n a ho a, controller of accounts cum secretary finance department MCP Pradhan chu member niin, additional director (pension division of finance department) Punita Alley chu member secretary a ni bawk.