Manipur: Oil tanker driver-te an nuar Imphal-Silchar kawngah an tlan duh lo

Imphal-Silchar inkara kawngpui NH 37-ah misual silai kengin CRPF venhimna hnuaia tlan oil tanker an kah avangin, All Manipur Petroleum Product Drivers’ Association (AMPPDA) chuan tiam chin awm loin nawrh an huaihawt. Oil phur motor zawng zawng chu Nilaini aṭang khan NH 37-ah an tlan duh tawh lo a ni.

AMPPDA secretary Mukta Nongbri chuan oil tanker-in beih a tawk chu a dem thu sawiin, Central leh Manipur sorkar chu driver-te humhim zo loah a puh.

Nongbri chuan ralthuam keng misualte chuan NH 37 kawngpuia Nungkao, Sibilong leh Rengpang-ahte Rs 500 chhiah an lo lak ziah ṭhin thu leh hei bakah hian a hranpain kum tin chhiah dang an lak ziah thu a sawi bawk.

NH 37 kawngpuiah hian Manipur mipuite oil mamawh phurtu oil tanker 200 chuang nitin an tlan ziah a ni.