Assam-ah buhfai kg 1 Rs 2 in hralh dawn

Assam sorkar chuan National Food Security Act hnuai-ah an state mipuite tan buhfai kg 1 Rs 2 in a hralh chhuak dawn a, hei hi mi vaibelchhe hnih chuangin an chhawr thei dawn a ni.

Assam hi Assembly inthlan turin a inbuatsaih mek a, Chief Minister Tarun Gogoi chuan a term li-na atan Congres chuan hnehna a chang leh ngei dawn niin a sawi. CM hian buhfai man tlawma hralhna tur scheme a puan rual hian scheme dang eng emaw zat a puang tel bawk.

Scheme hrang hrang

a puan tharte chu -

1. NFSA hnuaia mipuiten buhfai, kg 1 Rs 3-a an lei ṭhin chu Rs 2-a tihhniam a ni a, a tihniamna hi state sorkarin a tumsak dawn a ni.

2. Thingpui huana hnathawkte hamṭhatna tur scheme pathum siam thar pawh hawn thuai tum a ni.

3. Chief minister Bagan Ghar Scheme hmangin thingpui huana thawk chhungkaw tinte chu ram pek an ni bakah, in sakna tur sum pawh pek an ni ang.

4. CM Bagan Jal scheme hmangin thingpui huana thawkte chu tui thianghlim in tur pek an ni ang.

5. CM Bagan Bus scheme hmangin thingpui huana thawkte veivahna tur public bus service siam a ni ang.

6. Thingpui huna thawkte hlawh chu February 1, 2016 aṭangin ni khatah Rs 177-ah tihpun a ni ang.

7. Anganwadi worker leh helper, ASHA worker, Home Guard leh gaonburas-te tan pension scheme thar siam a ni.

8. BPL member damlote tana a thlawna damdawi pek theih chi 176 awm mek chu tihpun a ni bawk.

9. Hmeichhiate pualin bazar din a ni ang a, hmanraw ṭha taka thuam a ni ang.

10. Secretarariat, district leh sub divisional headquarters tinah Creche dah a ni ang.

11. Tar pension chu BPL member, kum 60 chunglam zawng zawng hnena pek tum a ni.

12. BPL zirlai, Class X leh a hnuai lamte chu uniform pek an ni ang.

13. State chhunga college tinah wi-fi internet connectivity dah a ni ang.

14. Post thar 75,000 siam a ni ang a, Panchayat leh Rural Development-ah post 18,000 siam thar a ni ang.

15. Sorkar hna laknaah 5 year over age tan reservation 10% dah a ni ang.