Manipur-ah NFSA hmang dawn

Manipur sorkar chuan February thla aṭangin National Food Security Act (NFSA) a hmang ṭan dawn.

Manipur Food and Civil Supplies de-partment official pakhat chuan, "Food security hman ṭan thuai a nih theih nana ṭul leh pawi-mawh te chu chak taka tih hlawhtlin chhoh zel a ni a, kan inpeih har tawh lo ang," a ti.

NFSA hi Tripura-ah chuan nikum September thla aṭang khan hman ṭan a lo ni tawh nghe nghe a, Assam-ah pawh December 24 aṭang khan hmanṭan tawh niin mipui vaibelchhe 2.40 ten an chhawr ṭangkai tawh a ni.

Kum 2013 July 5 aṭanga hman ṭan theih tawh NFSA hnuaiah hian mi pakhatin thla khatah buhfai 5kg chu Rs 3 in a lei thei a, wheat pawh 1kg chu Rs 2 zela a lei thei a ni.

NFSA hian thingtlang mipui 75% a huam tura ngaih a nih bakah khawpui mihring 50% te chuan man tlawm zawkin buhfai an lei theih na tura ruahman a ni bawk.