PM-in Sikkim a tlawh dawn

Prime Minister Narendra Modi chuan tun thla tawp lam hian Sikkim state a tlawh dawn a, hemi atan hian state chhungah venhimna lam pawh uluk zawka kalpui turin inbuatsaih mek a ni.

Chief Minister Pawan Chamloing chaun police hotute chu biain, boruak him leh muanawm a awm theihna tura theihtawp chhuah tur leh, a ṭul anga hma la ṭan nghal turin a hrilh. CM hian Gangtok khawpui chhunga din-hmunte pawh a enkual tawh bawk.

PM hian tun thla tawp lama Gangtok-a Organic Festival neih tur chu a hmanpui dawn a ni.

Chamling chuan PM-in an state a tlawh lai hian an state hmelhmang tichhe zawnga che duh an awm palh thut theih thu sawiin, official-te chuan fimkhur leh uluk taka security lam enfiah turin a hrilh. Hemirual hian department hrang hrangte chu festival an neih tur a hlawhtlin theihna tura theihtawp chhuah turin a chah nghal bawk. CM hian festival neihna tur hmun, Ipecac Garden pawh a tlawh tawh bawk.