Tripura-ah inlakhran duhna lam hawi buaina thleng lo

Tripura Director General of Police K Nagraj chuan kum 2015 chhung khan state chhungah inlakhran duhna lam hawi kaihhnawih buaina engmah a thleng lo niin a sawi.

DGP Nagraj chuan, "Kum sawm-thum zet inlakhran tuma buaina thleng
ṭhin chu thunun a ni tawh a, nikum chhung khan hemi kaihhnawih buaina thleng hi a awm lo. Hetihlai hian uluk takin thil awmdan kan thli--thlai reng a ni," a ti. Hel tam tak chuan Bangladesh ramah camp 16 vel an la nei niin a sawi bawk.
"Nikum November thla khan Bangla-desh security force-te chuan an ram chhunga helho camp eng emaw zat an tih-chhiatsak a, heng zinga a tam zawk chu Chit-tagong Hill Tracts ami a ni. Mahse a hnuah helho hian hmun dangah camp hi an siam chhunzawm leh tho a ni" a ti. Firfiaka chetna thleng ṭhin chu ven uluk a ngai tih sawiin, stawte police-te pawh an inralring reng a ni," a ti.

Nagraj chuan nikum chhung khan dan loa ramri paltlangin, Bangladesh mi 1,761 chu Tripura state-ah an lut a, mahse heng mite hi police-te chuan an ramah an thawn kir leh niin a sawi. State chhunga dan leh thupek dinhmun chuan hma a sawn thu leh, pawikhawihna thleng pawh a tlakhniam thu a sawi.