Meghalay HC-in inlan turin Union Home Secy hriattir

Meghalaya High Court chuan Union Home Secretary Rajiv Mehrishi chu High Court judge pension tawhte hnena security pek dan chungchang ngaihtuahnaah court-a inlan turin a hriattir.

Chief Justice Uma Nath Singh leh Justice TNK Singh-te chuan hemi chungchang hi fax-a thawn in, "Union Home Secretary hi thu-tlukna rang taka siama nih theihna atan court-ah rawn inlan a, min pui turin kan hrilh a ni," an ti.

MHA Director for NE region JPN Singh chuan High Court judge-ten vauna an tawh chungchanga venhimna pek dan tur ngaihtuah tura kar thum chhung hun pe turin a ti a, Singh-a chhanna hian Chief Justice hi a tilungawi lo hle.

Chief Justice hi Z category secu-rity pek a ni a, judge dang pahnih-te chu Y category-ah dah an ni bawk. JPN Singh-an kar thum hun pek tura a tih avangin High Court thupek chuan judge-te venhimna pek chungchang rang zawka ngaihtuah a nih theihna atan Union Home Secretary hi an ko ta niin a sawi.

High Court chuan November 2 khan Chief Justice leh judge pahnihte hian mi tu tih hriat lo hnen aṭangin vauna an dawn thu a lo sawi tawh a ni.