AP MLA-te banna HC in a stay

Gauhati High Cout chuan Arunachal Pradesh Speaker-in December 15-a MLA 14-te banna thupek a tihchhuah chu a stay.
Speaker hian Congress MLA hel 14-te hi Constitution 10th Schedule hnuaiah a ban a, mahse MLA ban takte hian High Court-ah petition an thehlut nghal a ni. Court chuan petition thehluh a ngaihtuah hnuah, MLA-te banna thupek hi a titawp lailawksak a ni.

High Court-a petition theh-luhah, Speaker-in MLA te banna a pass hi dan kalh a ni a, insawifiahna hun pawh eng-mah pek an ni lo niin an sawi.
Spea-ker-in MLA 14 a ban te hi rorellai party, Congress MLA niin, Chief Minister Nabam Tuki kaihhruaina duh loa helte an ni.

Nikum december 21 khan Congress MLA 47 zingah 21-te chuan CM Tuki duh loin, hruaitu thar atan Congress hruaitu Kalikho Pul an duh thu sawiin state politics pawh a buai phah hle.

Congress MLA helte hi BJP MLA 11 leh inde-pendent MLA pahnihten an thlawp bawk. December thla khan Governor chuan Assembly Session chu a thua sawn hmain, hetah hian eptu member leh Congress MLA helte hian Pul hi chief minister an thlang a ni.

Hetihlai hian Chief Minister Nabam Tuki chuan Prime Minister Narendra Modi chu Thawhlehni khan biain, Governor-in ama thua Assembly Session a sawn hma avanga an state chhung politics dinhmun a nghawng dante a hrilh. Session sawn hma dawn hian Governor hian CM leh council of minister-te a rawn lo tih sawiin, hei hi danpui kalh a ni, a ti. PM pawhin Governor chungchanga report an thehluh chu enfiahin, a ṭul angin thutlukna a siam dawn tih a lo hrilh.