NSCN-K hnenah hriattirna pe

Directorate of Information and Public Relations (DIPR) chuan Naga helpawl, National Socialist Council of Nagaland (Khaplang) hnenah hriattirna pein, NSCN-K chu dan pawna hnawl a nih loh chhan tur leh, Unlawful Activities (Prevention ) Act hnuaiah hnawl an nihna puanchhuah a nih lohna chhan sawifiah turin a ti.

NSCN-K hian Thawhṭanni khan he hriattirna hi a dawng a, a dawn aṭanga ni 30 chhungin chhanna a pek a ngai a ni.
Sorkar laipui chuan September 28, 2015 khan NSCN-K hi danin a pawmpui loh pawlah a lo puang tawh a ni. Sorkar hian hemi chungchang ngaihtuah tur hian tribunal a din a, hetah hian Delhi High Court judge, Justice Najmi Waziri pawh a tel.