Assam : Kuminah tuilian tuartu mi nuai 12 chuang tawh

Assam revenue and disaster management minister Jogen Mohan chuan kar liam ta Zirtawpnia state assembly neihah, kumin chhungin Assam-ah tuilian tuar mi nuai 12 chuang an awm tawh tih a sawi.

Minister chuan tuilianin chhiatna a thlen dan kimchang hi lak khawm a ni mek a, hriat theih chinah chuan mi 12,95,642-in tuilian hi an tuar a ni, a ti.

Congress MLA Bharat Chandra Narah zawhna chhangin Mohan chuan khaw 3,335-ah in 23,000 chuang a chhiat thu a sawi a, tui luang liam tur danna embankment 37 chu a chhe tawh a, embankment dang 133 pawh chhiat hlauhthawnawmin an awm mek, a ti bawk.

Assam-ah hian kumtinin tuilian hian chhiatna nasa tak a thlen ṭhin.Kumina tuilian pawh hian Public Works Department enkawl kawng 1,106 a tichhe tawh a, lei (bridge) 101 a tichhe tawh bawk a ni.

Tuilian vangin ran/ramsa 16,663 an thi tih Minister chuan a sawi a, tuilian tuarte zángnadawmna pek tur Rs vbc 137.2 leh chhawmdawlna atan Rs nuai 25 sanction a nih tawh thu a sawi bawk.