AP-ah BJP in sorkar siam theih inbeisei

Arunachal Pradesh-a rorellai,Congress party chhunga buaina chuan ziaawm lam a pan lo a, Congress MLA 47 zinga 21-te chuan Chief Minister Nabam Tuki lakah an lungawi lo a, an zinga MLA 14-te chu Speaker-in a hrem hial tawh a, mahse hremna hi Gauhati High Court chuan a hnawlsak a ni.

Congress party MLA te an buai avangin BJP chuan hmarchhaka BJP sorkar hmasa ber an din mai theih thu an sawi. BJP hian Congress MLA hel 14-te chu an bepawp tawh bawk. Union Home Minister Rajnath Singh hnenah pawh Arunachal pradesh politics dinhmunte hi hrilhin, BJP hruaitute nen hma lak dan tur an sawiho a ni.

Member 60 awmna Arunachal Pradesh Assembly-ah hian Cong-ress MLA lungawi lo 21 bakah eptu party MLA 33-te chuan December thlaa assembly session an neihah khan Congress hruaitu hel zinga mi, Kalikho Pul chu Chief Minister thar atan an thlang. Mahse Chief Minister Nabam Tuki leh amah thlawptu MLA 26-te chuan hei hi dan kalh a ni tiin an pawm lo thung.

Session hi Governor in CM leh council of minister-te rawn loa a sawn hma a ni a, hei hi state sorkar lam pawhin nasa taka sawiselin, Prime Minister hnenah pawh an thlen tawh a ni. Session hi Itanagar-a Community Hall-ah neih a ni a, deputy speaker-in a kaihruai a ni.

Deputy Speaker hian Speaker-in Congress MLA hel 14 a banna pawh a hnawlsak a ni.