Nagaland-a lungalh-thei khur vangin luia nungcha an kiam

Nagaland Pollution Control Board (NPCB) chuan Nagaland-a lungalhthei khur awm vangin luia nungchate an tlem sawt hle tih an sawi.

Nagaland-a Mon, Longleng, Mokokchung leh Wokha district-ah te hian lungalhthei khur 48 a awm mek a, lungalhthei laihchhuah hna hi kum 9 kalta aṭang khan helai bialah hian kalpui a ni.

Tuia thur tam lutuk leh chemical nawi luanglut hnem vangin sangha an thi a, lui mawnga nungcha leh hnim ṭo zawng zawngin an chhiat phah hle tih NPCB chuan an sawi.

Lungalhthei khur hnai luiahte chuan bawlhhlawh a luanglut nasa hle a; tin, lei hnuai tui pawh a bawlhhlawh phah hle a ni.