Meghalaya in sorkar pisate him dan endik turin thupek a chhuah

Tun hnaia lirnghingin hmarchhak a sawi vang khan venthawn thilah Meghalaya CM Mukul Sangma chuan thupek chhuahin, sorkar pisa lian zawng zawng chu a him tawk em tih endik nghal vek turin a ti. Heng zingah hian DC office, SP office, police hmunpui leh damdawi in te a tel.

Mukul Sangma chuan sorkarin khuarel chhiatna thleng thut thei laka inven leh a dawnsan dan (mock drill) a buatsaih fo a; tun aṭang chuan sorkar kutkete an inralring reng tawh ang a ti.

Sorkar pisa liante endik anih rual hian mimal in pawh sorkar hnuaia awm vek an nih vangin endik an ni ve tho ang tih a sawi bawk.