Khualzin tan Shillong Peak tlawh khap

Tun hnaia firfiakten Pathankot Air Force base an beih aṭang khan venthawn thilah Meghalaya khawpui thlirna tlang Shillong Peak chu khualzin tan tlawh phal a ni tawh lo tih sipai thuneitute chuan an sawi. Shillong Peak tlawh tur hian Air Force hmunpui paltlang a ngai
ṭhin a, hei vang hian sipai hotute chuan khualzin vakvel (tourist) tan tlawh an khap ta a ni.

Hetih lai hian tual-chhung mi tan chuan Shillong peak tlawh leh sipai hmunpui kal tlang hi khap a ni hran lo. Shillong peak tlawh tur hian khualzinte hian Air Force hmunpui hi KM 2 zet an paltlang a
ṭul ṭhin a ni. Kum tinin khualzin 1600 chuangin Meghalaya khawpui chhim lama awm Shillong khawthlirna tlang, tuipui zawl aṭanga teha metre 1,965 a sang hi an tlawh ṭhin a ni.

Tun hnaia sipai hotute ṭhukhawm chuan ram chhung himna thilah he ruahmanna thar hi an siam a ni. Civil Military Liaison ṭhukhawm chuan Meghalaya sorkar hnen-ah Shillong peak kalna kawng hi Air Force station pawn lama siam turin thurawn an pe tawh nghe nghe.