Thingpui chingtute enkawltu din dawn

Assam CM Tarun Gogoi chuan sorkarin Tea Tribe Commission a din thuai dawn tih sawiin, hei hian Assam ram chhunga thingpui chinga eizawngte hmasawnna tur a buaipui ang.

Silchar-a thingpui huan enkawltute intawhkhawm a hmanpuinaah he thu hi sawiin, Assam CM chuan kum tam tak Assam ram chhunga thingpui chinga eizawngte chu Assam hmel lan tirtu an nih vangin ṭhenhran theih an ni lo a ti.

Tea Tribe Commission hian thingpui chingtute hriselna dinhmun, chaw ṭha pek leh eizawnna dang zawn sak chungchang a buaipui ang.

Sorkar chuan heng mite tan hian zirna ṭha zawk leh thiamna pek a tum thu a sawi bawk.