Manipur MLA 25 ten lirnghing tanpuinan thlakhat hlawh an hlan

Tun hnaia Manipur-a lirnghing vanga nunna chante leh hliam tuarte tan Manipur MLA 25-te chuan an thlakhat hlawh Chief Minister Relief Fund-ah an hlan.

MLA N Biren-a ina ṭhukhawmte chuan he thutlukna hi an siam a; thlakhat hlawh petute chu Dr Ng Bijoy, K Ranjit, Ngamthang Haokip, RK Anand, Md Fajur Rahim, W Brajabidhu, P Brojen, Nemcha Haokip, RK Imo, Md Amin Shah, M Prithiviraj, K Meghachandra, Ksh Biren, L Nandakumar, Y Surchandra, T Manga Vaiphei, MK Preshaw Shimray, E Chand, Jang­hemlung Panmei, N Loken, Kh Devendra, N Biren, Z Kikhonbou, Victor Keishing leh Tn Haokip te an ni.

January 4 a lirnghing inṭanna Kabui Khullen Part-1 khua chu an la buai hle a, riahbuk pahnihah mipui an la cheng khawm a ni. Lirnghing in lei a tihkhik aṭangin tunhnai khan meikhu alh thei a chhuak bawk. Lei khi hi a thuk angreng viau niin a khaw mi te chuan an sawi.