Arunachal-a tourist circuit siam nan vbc 49 hmu

Union Tourism Ministry chuan Arunachal Pradesh-a Bhalukpong-Bomdila-Tawang tourist circuit siam nan cheng vaibelchhe 49.76 a pe.

Sum hmang hian Arunachal-a khualzin mite veivah tamna hmun, Bhalukpong, Bomdila leh Tawang inkalpawhna kawng siamṭhat a nih bakah khualzin mite chawlh bukleh mamawh hrang hrang siam a ni ang.

State Parliamentary Secretary for Tourism, Mama Natung chuan Union Tou­rism Ministry chungah lawmthu sawiin, fund an hmuhte chu a nihna tur dik takah inrenchem taka hman an tum thu a sawi.

Natung chuan Chief Minister Nabam Tuki kaihhruaina hnuaiah Arunachal chu khualzin mite hmunpuia siam an tum thu leh sorkar laipui ṭanpuina hmangin tourism industry-ah Arunachal chu a sulsutu a nih thuai a beisei thu a sawi.