Barak valley kawngpui siamṭhat phut

All Cachar Karim-ganj-Hailakandi Students’ Association (ACKHSA) chuan Chief Minister Tarun Gogoi hnena lehkha an thawnah Barak Valley huam chhunga inkalpawhna kawngpui chhe lutuk chu siamṭha thuai tura an phut thu an tarlang.

ACKHSA chief advi-ser, Rupam Nandi Pur-kayastha chuan Barak Valley huam chhunga kawngpuite chu a chhiat thu sawiin, khualzin mite chu dinhmun hlauh-thawn-awm takah an awm a ni, a ti.

Purkayastha chuan Silchar-Karimganj inkalpawhna bakah Silchar-Lailapur leh Silchar-Haflong inkal-pawhna kawngpuite chu motor tlanna tlak loha a chhiat tawh thu sawiin, fur tlak hmaa siamṭhat a nih loh chuan mipuite tan veivah a harsat tur thu a sawi.

Hetihlai hian Pur-kayastha chuan sorkar hna, Grade III leh IV lakna chu Guwahati-ah chauh neih a nih ṭhin avangin Barak Valley mipuite'n an dil theih
ṭhin loh thu a tarlang a,
ṭhalai hna nei lote ham-
ṭhat nan Barak Valley huam chhunga heng sorkar hnalakna hi kalpui turin Chief Minister a ngen.

State sorkarin spe-ciality hospital-a Silchar Medical College dam-dawi-in siam a lo tiam tawh chu tarlangin, dam-dawi-in chu tihchangtlun a nih chuan damlote'n neurosurgery leh gas-troenterology lamah hmun hla zawk pan buai ngai loin Silchar hmunah enkawl theih a ni tawh dawn a ni, a ti.

CM hnena ACKHSA lehkhathawn chuan Ka-rimganj district, Bhanga hmuna Government Engineering College sak mek pawh a rang lama peihfel thuai a phut thu a tarlan bakah academic session thar aṭanga class ṭan hman a phut thu a tarlang.