Assam-ah lirthei chesual a tam

Ministry of Road Transport and Highways report chuan Assam-a lirthei chetsualna, road traffic accident (RTA)-a thihna thleng zat chu za zelah 50.4 a ni tih tarlangin, rampuma lirthei chetsualnaa thihna thleng zat aiin a sang zawk tih a tarlang.

Hetihlai hian Road Transport Ministry chuan Assam-ah lirthei chetsual hluarna hmun bik (black spot) a awm loh thu a tarlang.

Union Ministry chuan Thawhṭannia report a tihchhuahah hmarchhak state zingah Meghalaya-ah black spot a tam ber tih a tarlang a, pariat a awm a ni. Arunachal Pradesh, Mizoram leh Nagaland-ah black spot pakhat
ṭheuh a awm bawk.

National Crime Records Bureau (NCRB) report chuan Assam-a lirthei chesuala thihna thleng zat 50.4% hi kum 2013-a rampuma lirthei chetsualnaa thihna thleng zat, 36.4% aiin a sang tih a tarlang.

Kum 2014 khan Assam-a lirthei chesualah mi 704 an thi a, mi 1,803-in hliam an tuar a ni. Kum 2013 khan mi 2,441-in an lo thih phah tawh bawk a, mi 6,609-in hliam an tawrh phah a ni. Lirthei chesuala thihna hi Guwahati-ah a thleng tam ber a, a dawtah Kamrup district a awm.