M'laya HC CJ atan Vaiphei hming a lang

Meghalaya High Court-a Chief Justice ni lai, Justice Uma Nath Singh chu January 14 hian a chawlh dawn avangin Chief Justice thar tur zingah tuna Gauhati High Court-a acting Chief Justice ni lai, Justice Tinlianthang Vaiphei chu a langsar zual a ni.

Justice Vaiphei hian a hmain Gauhati High Court, Shillong bench-ah Judge hna a lo chelh tawh a ni.

Meghalaya High Court Chief Justice, Uma Nath Singh thlaktu atan hian Justice Vaiphei hi official-a ruat a la ni lo a, Su-preme Court collegium thutlukna tur a ni.

Hetihlai hian Meghalaya High Court-a Judge hna chelh mek, Justice TNK Singh pawh kumin February 1-a a chawlh dawn avangin a hmun a ruak leh dawn a, a aiawh tura hming lang zingah Meghalaya mi, HS Thangkhiew, TT Diengdoh, VGK Kynta leh M Diengdoh te hming a lang. High Court Judge tur hi High Court collegium-in a ruat ang a, Delhi-a thuneitute pawmpui ngai a ni.