Agartala mipuiin rel lian chi an lawm

Rel lian chi, Broad Gauge (BG) rel lu chu Thawhṭanni tlai dar 4:10 khan Agartala station thleng tlantir chhin a ni a, mipuiin an lawm hle.

He hunah hian mipui sang tam tak an pungkhawm a, coconut te sawhkehin khuang te nen kut ropui tak ang maiin an lo lawm a ni.

Broad Gauge (BG) rel lu hi Tripura, Ambassa station atangin zing dar 10 ah tlan ṭan tir a ni a, tlai dar 4:10 ah Agartala station a thleng a ni.

Rel ah hian Northeast Frontier Railway (NFR) General Manager (Con-struction) HK Jaggi, Chief Administrative Officer (CAO) AS Garud leh senior official dangte an chuang.

NFR hotute chuan a tlanna tur rel kawng lian, Kumarghat leh Badarpur inkara a mi chu hun reilote chhunga siam zawh a ni, an ti. Rel kawng lian hi March ni 31 a zawh hman vek beisei niin, April thlaa service hman tura beisei a ni.