Tottenham-ah Alli a nghet

Premier League club Tottenham Hotspur midfielder Dele Alli chuan White Hart Lane-ah kum 2021 thleng cham turin contract thar a ziak.

Kum 19-a upa mid-fielder hian February 2015 khan Spurs hi a zawm a, loan-in a club khelhna MK Dons lamah a hun a hman chhunzawm. Tottenham tana a season hmasa berah Alli hi a khel ṭha hle a, England squad-ah hial koh a ni tawh.

Spurs tan vawi 30 a inlana goal ruk khungtu midfielder chuan,"Tottenham tana contract ka ziah khan he hmunah hian awm zel ka duh tih ka chiang lehzual a ni. Match engemawzat khel ve tawhin ka tih theih chin chu ka pholang tawhin ka hria. Kum 19 leka upa ka ni a, zir belh tur tam tak ka la nei a ni. Ka tan chuan Spurs hi ka inzir belh zelna tura hmun ṭha ber niin ka hria," a ti.

Alli hian England tan youth level-ah a lo khel nual tawh a, nikum October thla khan Euro 2016 qualifier-a Estonia leh Lithuania hmachhawn turin England squad-ah a vawi khat nan koh a ni.