East Bengal-ah Bernard Mendy a lut

France international hlui Bernard Mendy chuan I League club East Bengal a zawm. Kolkata club hian Mendy hi Indian Super League khelh zawh a nih rual khan lakluh tumin an hel nghal a, an hlawhtling ta nge nge a ni.

East Bengal secretary Santosh Bhattacharya chuan Bendy chuan rei lo teah an club training a zawm tur thu a sawi. Season hnih chhung ISL club Chennaiyin FC lama a hun lo hmang tawh Bernard Mendy hian a vanglai hun Paris St.Germain, Hull City leh Bolton Wanderers-ah te a lo hmang tawh.

PSG-ah kum riat hun a hman chhungin match 238 inlanin goal 10 a khung a, kum 2003-04 season khan Ligue 1 leh Ligue 2 player aṭanga team of the year an thlanah a lang pha hial a ni.

East Bengal hian Men-dy bakah Indian defender Narayan Das chu I League second division club Dempo SC aṭangin an la lut bawk. Jharkhand defender hian East Bengal a zawm hma hian Dempo bakah Pailan Arrows tan I League a lo khel tawh bawk a, ISL lamah FC Goa tan a inlan bawk.