Atletico tel lo mak titu Del Bosque

Spain coach Vicente del Bosque chuan La Liga hmahruai mektu Atletico Madrid-in 2015 FIFPro World XI-a player an thawh loh chu mak a tih thu a sawi.

Spain boss Del Bosque chuan, "FIFPro World XI-a Atletico-in player an thawh lo hi a mak ka ti," tiin Radio Marca a hrilh.

Kum 2005 aṭang khan professional footballers 40,000 chuangin kum tinin goalkeeper pakhat, defender pali, midfielder pathum leh forward pathum an thlang chhuak ziah a. Tun ṭuma player 11 an thlan chhuah zinga pariat hi La Liga player an ni a, Atletico player an awm lo.

Atletico hi 2013-14 season khan La Liga-ah an champion bakah Cham-pions League final an thleng a, chutichung chuan an player zingah pakhat chiah thlan chhuah an la ni. Kum 2012 khan Radamel Falcao chu thlanchhuah zingah a lo tel tawh a, club lamin result ṭha nei ṭhin mah se thlan an ni leh tawh lo.