Atletico chhuahsan tum lo Saul Niguez

Tun hnaia player ngaihven hlawh Atletico Madrid star Saul Niguez chuan Spanish club hi chhuahsan tumna a neih loh thu a sawi a, Vicente Calderon-a cham reng chu a duhthusam a nih thu a sawi.

Kum 21-a upa Saul hi Man United nen sawizawm mek an ni a, Spanish attacking midfielder lei chhuah theihna zat hi euro maktaduai 26 nia sawi a ni.

Mahse Spanish rawlthar duhawm chuan,"He hmunah hian thil tam tak ka tawng tawh a, nuam ka ti em em a ni. Ka duhthusam ropui ber chu ka hun zawng zawng Atletico tana pek a nomawi tam zawk chawi a ni," a ti.

Tun season-a Atletico tana match 22 khel tawh Saul chuan, "Hun duhawm tak ka hmang mek a, chu chu khelmual chhungah pawh kan lantirin ka hria. Goal ka khung avangin lawm viau mah ila team-in an hlawkpui hi ka lawmna ber zawk chu a ni," tiin Atletico-ah a hlim hle.