FIFPRO World XI vanga beiseina thar nei Thiago

Paris Saint-Ger-main de-fender Thiago Silva chuan FIFA FIFPRO World XI 2015-a a lan leh tak avangin Brazil team-ah hmun a chan leh theih ngei a beisei thu a sawi chhuak.

Kum 31-a upa de-fender hian kum thum chhung a zawnin FIFPRO World XI-ah hian hmun a chang tawh a, mahse Copa America 2015 khelh zawh a nih hnuah Brazil coach Dunga chuan ram tana khel turin a ko leh tawh lo a ni.

Brazil tana vawi 58 inlan tawh defender chuan, "Coach thutlukna a nih miau avangin tih theih a vang ṭhin. Ka club tan ka theihna zawng zawng ka pho chhuak chung pawhin Brazil tana khel tura ṭha tawk loah min ngai tlat a ni. Player ṭha tak tak, World Cup qualifying-a bul ṭan ṭha em em kan kawl nual a, tuna kan tih theih awmchhun chu nghah tawp a ni," tiin Brazil tana inlan a chak hle.

AC Milan defender hlui hi kum 2014 World Cup-ah khan an ram captain a ni a, mahse July 2014-a Dunga-a'n Brazil a enkawl ṭan khan a captain armband hlih sak a ni a, Brazil squad-ah hmun a chang lo chhunzawm bawk.

Mahse, 2015 June-a Copa America squad-a khel tur zingah telh a ni leh a, mahse quarterfinal-a Paraguay an hneh loh hnuin Brazil tana khel tur hian koh a ni leh tawh lo. Thiago Silva hian World Cup zawh lamah ramin match 20 an khelha match sarihah chiah hmun a chang pha a ni.