Fernando Torres a inhliam

Atletico Madrid chuan an striker Fernan-do Torres chu a ke rek ding-lam a na tih an puang.

Liverpool striker hlui hi training naah a in ti na a, Ningani zana Rayo Vallecano nen Copa del Rey last 16 second leg an khelh hunah pawh a inlan thei lo tura ngaih a ni.

Spanish club chuan thuchhuah siamin, "Torres hian therapy a la reng a, gym-ah training a nei reng bawk. Mahse, na ala neih avangin inkhel turin a fit tawk rih lo," an ti.

Kum 31-a upa Torres hian 2001-2007 chhung khan Atletico tan hian inelna hrang hrangah match 214 khelin goal 82 a khung. Hemi hnu hian Liverpool zawmin match 102 aṭangin goal 65 a khung bawk. Kum 2011 khan Chelsea zawmin Stamford Bridge-ah hian beisei a phak lo a, Milan lamah loan-in a chhuak a, nikum aṭang khan a club hlui Atletico-ah bawk hian loan thoin a kir leh a ni.

Atletico hian point 44 hmuin La Liga hma-hruaitu an ni mek a, an hnuai chiahah hian match khata khel tlem zawk Barcelona awmin point hnihin an inthlau mek.