Halep-i'n quarterfinal a paltlang

World number 2 Simona Halep chuan Sydney International tennis tournament semi-final lut turin harsatna a tawk lo a, nimin khan Karolina Pliskova chu 6-4, 7-5 in a hneh.

Australian Open inbuatsaihna tournament-ah hian Halep hi seeded pakhatna niin second round aṭangin bul a ṭan a, a match hmasa berah Caroline Garcia chu 6-4, 2-6, 6-1 in a lo hneh tawh bawk.

Kum 24-a upa Halep hian WTA title 11 la tawh mah se Grand Slam-ah a la champion lo a, kum 2012 khan French Open-ah final a lut a, nikum khan Wimbledon leh US Open-ah semifinal a thleng bawk.