Mirza leh Hingis ten record an hnaih

14th January, 2016

Indian tennis ace Sania Mirza leh Swiss star Martina Hingis te ṭangdun chuan nimin khan Chen Liang leh Shuai Peng te ṭang dun chu darkar khat pawh tling loah 6-2, 6-3 in an hneh a, Sydney International semifinal an lut.

Indo-Swiss pair hian a zawnin match 28 chhung hnehna an chang tawh a, kum 1994-a Gigi Fernandez leh Natasha Zvereva te ṭang dunin chak zawn rei record an lo siam tawh chu an nih rual chiah a, record thar siam turin an dinhmun a ṭha hle.

Hmeichhe double world number 1 Mirza leh Hingis hian WTA doubles title 10 an la dun tawh a, nikum khan Indian Wells, Miami, Charleston, Wimbledon, US Open, Guangzhou, Wuhan, Beijing leh WTA Finals-ah te an champion. Kuminah pawh bul
ṭan fuh lehin kar hmasa khan Brisbane International title an la leh tawh.